Arkeologi Museoak 2021eko ekainaren 18tik 20ra bitartean antolatutako erakusketan parte hartuko du Mendieta ontziolan (Lekeitio) egin dugun arkeologia industrialeko lanak, Bizkaian egindako beste proiektu batzuekin batera.
Europako Arkeologia Jardunaldiak Inrap (Institut national de recherches archéologiques préventives) erakundearen ekimenez egiten dira urtero. Iraganean murgiltzeko gonbidapena da ekimena, historiaurreko garaietatik gizarteen aztarna materialak esploratzearren. 2021eko edizioan, Arkeologi Museoak, besteak beste, Bizkaian egindako proiektu arkeologiko garrantzitsuenen erakusketa bat antolatu du, Neandertalesek okupatutako Axlor haitzuloaren indusketatik hasi eta, hain zuzen ere, Lekeitioko Mendietako ontziolaren azterketaraino, Lea ibaiaren bokaleko itsas jardueraren azken lekukotzetako bat.
Argazkiz eta testuz osatutako panelak Ikusmira Ondareak Mendietan koordinatu dituen azterlanen alderdi aipagarrienetako batzuk biltzen ditu. Mendieta euskal kultura-ondarearen eta, bereziki, gure itsas ondarearen ondasun garrantzitsuenetako bat da. Ondare Babesa eta Arrizabalaga Arquitectos enpresekin batera, arkeologia industrialeko lana osatu dugu, ezagutzan aurrera egitea baino askoz gehiago dena: ontziolaren balio eta interes kulturala ulertzeko oinarririk onena da, eta hura babesteko eta kudeatzeko erabakiak hartzen lagunduko du.
